Resolución do proceso de selección da Dirección do Museo do Pobo Galego

Dacordo co establecido nas bases da convocatoria de concurso de méritos para a selección de candidatura á Dirección do Museo do Pobo Galego, anunciamos a resolución do proceso:

Na Asemblea Xeral do Padroado do Museo do Pobo Galego, celebrada o 25 de maio de 2024, acordouse a aprobación da candidatura presentada polo antropólogo e arqueólogo Xosé Lois Ladra Fernández (A Coruña, 1972), que fora previamente elixida pola Comisión de Selección e aceptada polo Consello de Goberno. 

Nas próximas semanas farase oficial o nomeamento e a contratación de Lois Ladra, que substituirá no cargo ao actual director, Manuel Vilar, que deixará o posto por xubilación.