Patrocinada por O Dezaseis - Casa de Xantar, esta mostra representa un circuito completo a través da obra artística de Xesús Carballido.
Carballido, na súa obra, aproveita infinidade de materiais, moitos de pequeno formato, para a realización de colaxes e obras complexas onde o visitante, e incluso o observador casual, poden perderse identificando a gran cantidade de detalles e recordos que conforman cada conxunto. Dese xeito é sinxelo pasar do detalle á comprensión xeral de cada unha das súas creacións, como tamén sucede á inversa, pasando da ollada xeral de cada traballo á procura dos detalles particulares.
Por este motivo a visita a esta mostra non deixará de sorprender e, case con total seguridade, incitará a unha segunda, e ata unha terceira visita, porque sempre nos quedará a sensación de non ter observada toda a complexidade que reviste.
Coa colaboración da Xunta de Galicia - Xacobeo 2021/22