Patrocinios, entidades colaboradoras
As empresas, entidades públicas ou privadas, teñen diferentes opcións para poderen apoiar o Museo de todas as galegas e galegos. A filosofía da institución permite ademais que coas súas achegas estas entidades poidan formar parte mesmo do propio Museo converténdose en socias.
Ao ser unha asociación declarada de utilidade pública, as achegas económicas á institución tamén obteñen beneficios fiscais, ao abeiro da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado.
Bloque título
Asóciate!
As entidades poden asociarse de tres xeitos diferentes: como Socias Ordinarias, Protectoras e Patrocinadoras. As dúas últimas modalidades obteñen un recoñecemento público no acceso do Museo, na web e na revista ADRA.
